Böyük Britaniya şahzadəsi Harrinin həyat yoldaşı Meqan Markl gözəlliyinin sirlərini açıqlayıb.
Onun sözlərinə görə, sağlam həyat tərzinə keçəndə tərəzidəki rəqəm dərhal dəyişir. 2019-cu ildə oğlu Arçini, 2021-ci ildə isə qızı Lilibeti dünyaya gətirən Susseks hersoqinyası sağlam pəhriz və müntəzəm fitnes məşqlərinin onu formada saxladığını açıqlayıb.
Hersoqinya yoqa həvəskarıdır. Markl qeyd edib ki, həyat tarazlıqdır, ona görə də işdən sonra o, həmişə özünə istirahət etməyə imkan verir.
“Hamımız inanılmaz dərəcədə məşğuluq və qarşımıza çıxan məsələlərdə jonqlyorluq edirik, amma istirahət etmək, mənasız televiziya şoularına baxmaq, itlərimlə qucaqlaşmaq və bir stəkan şərabdan həzz almaq üçün həmişə bir saata ehtiyacım var. Bütün bunlar investisiyanın bir hissəsidir. Bu, balansdır. Mən özümə istirahət imkanı verirəm”, - deyə o əlavə edib.
“Ekspress”
