“NARGIS” Nəşriyyat Evinin təşkilatçılığı ilə yaxın günlərdə Fəvvarələr Meydanında “Soyuq əllər, isti ürək: Qış möcüzəsi” adlı xeyriyyə yarmarkası keçiriləcək.
Oxu.Az-ın məlumatına görə, bu haqda yarmarkanın Facebook səhifəsində məlumat yayılıb. Yarmarkanın meri 1 ay müddətində insanları xeyriyyə layihəsinə qoşulmağa səsləyəcək. Bəyəndiyiniz və layiq bildiyiniz namizədi dəstəkləmək üçün Facebook-da xeyriyyə yarmarkasının rəsmi səhifəsində onun fotosunu bəyənməyiniz kifayətdir.
Qeyd edək ki, seçimlər noyabrın 25-dək davam edəcək. Namizədlər arasında əməkdar artist Tünzalə Ağayeva, şoumen Murad Dadaşov, aktyor-rəssam Bəhram Bağırzadə, müğənni Miri Yusif və Nigar Camal yer alıb.
