Qriqori Leps Bakıda çıxış edəcək

Rusiyanın ən populyar müğənnilərindən olan Qriqori Leps Azərbaycanın paytaxtında konsert verəcək.

Oxu.Az Haqqın.az-a istinadən xəbər verir ki, Rusiya ifaçısının çıxışının dəqiq vaxtı, tədbir təşkilatçıları tərəfindən tezliklə açıqlanacaq.

Konsert Heydər Əliyev adına sarayda olacaq, artist hitlərini və yeni mahnılarını ifa edəcək. Qeyd edək ki, bu konsert Qriqori Lepsin Bakıda verəcəyi ikinci konsertidir.

Qriqori Leps gürcü əsilli rus müğənnisi, bəstəkar, prodüser, beynəlxalq estrada sənət xadimləri ittifaqının üzvü, RF-in əməkdar artisti, “İlin mahnısı”, “Qızıl qromofon” mükafatının laureatıdır.

www.oxu.az