Müğənni Röya Ayxan Mərdəkandakı bağ evinin qapısını “10LAR” verilişinin üzünə açıb.
Oxu.Az xəbər verir ki, doğum gününü qeyd etməyi xoşlamayan müğənni qadının yaşlandıqca daha gözəl olduğunu deyib:
“Ad günümü keçirtmirəm. İnsan var ki, buna günlərlə, saatlarla hazırlaşır. Çalışacam tək keçirdim. 33 yaşına qədəm basıram. Yaşlanmağı sevirəm. Qadın yaşlandıqca daha cazibədar olur. Onunla daha çox maraqlanırlar”.
Röya sevdiyi hədiyyələrdən də danışıb:
“Məni şoka salan hədiyyələri sevirəm. Ətir xoşlamıram. Özümün xüsusi ətirim var ki, onu sifariş edirəm. 30 yaşımda Kənan mənə atəşfəşanlıq etmişdi, uşaq kimi ağlayırdım”.
Keçmişinə baxıb şükür edən müğənni həmin illərə qayıtmaq istəmədiyini bildirib.
“Allah məni sevir ki, qurda-quşa yem etməyib. O günlərə baxanda indi özümə şükür edirəm”.
O, qəribəliklərindən də söz açıb:
“İnsanların xəstəliyi mənə tez keçir. Kiməsə zəng edim, desin qripəm, həmin gecə hərarətim olacaq. Biri desin böyrəyim ağrıyır, başlayacaq məndə də ağrımağa”.
