Tahir İmanov - 39

Tahir İmanov 13 dekabr 1974-cü ildə Bakı şəhərində anadan olub.

Oxu.Az xəbər verir ki, o, 1981-1991-ci illərdə Bakı şəhəri 189 saylı məktəbdə təhsil alıb. 1991-ci ildə Azərbaycan Dövlət İqtisad Universitetinə qəbul olub. İxtisasca iqtisadçıdır. 1991-ci ildən “Bakılı oğlanlar” ŞHK komandasının üzvüdür. 1992-ci ildə ŞHK-nin çempionu, 1995-ci ildə ŞHK “Yay Kubokunun” sahibi və 2000-ci il ŞHK “Əsrin Çempionu” olmuşdur.

2001-ci ildə “Planet Parni iz Baku” KVN Teatrını yaradıb. Hazırda həmin teatrın bədii rəhbəri və rejissorudur.

“Bir anın həqiqəti” (2003), “Durnalar qayıtdı” ( 2003), “Məhəllə” ( 2003), “Məhəllə 2 Moskvada” ( 2004), “Tam məxfi” (2004), “Məşədi İbad-94” (2005), “Nümunəvi şagird” (2006), “Vərdiş” (2006), “Qorxma, mən səninləyəm!”  ( 2013), “Ögey Ata” ( 2013) filmlərdə maraqlı obrazlar ifa etmişdir.

Ailə həyatı qurmayıb, subaydır.

Aytən Sadıqzadə
www.oxu.az