ANS-in efirində yayımlanan ən reytinqli “Maşın” realiti-şousunda heç kimin gözləmədiyi anda böyük qalmaqal olub.
Oxu.Az-ın ANS PRESS-ə istinadən məlumatına görə, qalmaqal müğənni Xatirə İslam və əməkdar artist Mehriban Xanlarova arasında baş verib.
Belə ki, Xatirə İslam aktrisanı yalandan ağlamaqda ittiham edib: Sən “Yaguar” sürəndə, mən avtobusda gəzirdim. Sən 2003-cü ildə “Yaguar” sürəndə çoxunun maşını yox idi. Başa düşmürəm, siz niyə ağlayırsız?”
Mehriban Xanlarovanın isə müğənniyə cavabı gecikmədi: “Nə oldu sənə Xatirə? Bu gün mənim səninlə işim olmadı axı? Belədi ki, mən “Yaguar” sürəndə, ola bilsin sən “zaporoje” sürmüsən”.
Bu sözlərdən əsəbilərini cilovlaya bilməyən Xatirə İslam deyib ki, siz 12 il qabaq bahalı maşın sürəndə mən avtobusla gəzirdim:
“Belə də ki, bura xeyriyyə verilişi deyil, ağlamaq lazım deyil. Bu oyunda iştirak edənlərin hamısının maşına ehtiyacı var. Buradakıların çoxu toylara birlikdə getdiyim dostlarımdır. Onlar üçün mən ölümə gedərəm. İlk gündən onlara tapşırdım ki, Mehribanla işiniz olmasın. Üçlüyə səninlə qalsam, şəxsən mən əlimi maşından götürüb gedərəm. Mən onlarla dostam deyə elə bilirsən ki, onlar arasında baş verənlərdən xəbərdaram. Mehriban, sən düz danışmırsan”.
