Müğənni Xumar Qədimova sosial şəbəkədə aktiv olan həmkarlarından söhbət açıb.
Oxu.Az xəbər verir ki, Qafqazinfo-nun məlumatına görə, ifaçı “Onlar” verilişinə açıqlamasında həmkarlarını qınaq obyektinə çevirib:
“Heç bir sosial şəbəkədə yoxam. Yalnız Whatsapp-dan istifadə edirəm. O da mənə kitab oxumağa mane olur, orada mənə yazırlar, fikrim yazışmada qalır. İnstagram-a allergiyam var. Bacım danışır ki, Moskvada olanda yanında oturanlar deyir, gəlin şəkil çəkdirək, yazaq “Çay keyfi yapırıq”. Bu kimə lazımdır? Nəğmələrin köməkliyi ilə Xumar gündəmdə olmağı bacarır. Tükənəndə mən də şəklimi çəkib sosial şəbəkəyə qoyaram. Allah etməsin ki, belə bir şey olsun. Məni dünya ulduzlarına bənzədirlər. Fəxriyyə Xələfova məni Cennifer Lopezə bənzədib. Amma mən istəyirəm özümə bənzəyim”.
