Azərbaycan MSK: “Belarusda seçkilər sakit və düzgün şəkildə keçirilir”

Belarusda seçkilər sakit və düzgün şəkildə keçirilir.

Bu barədə ölkədə seçkiləri müşahidə edən Azərbaycanın Mərkəzi Seçki Komissiyasının üzvü Fuad Cavadov jurnalistlərə məlumat verib.

Məlumata görə, bu gün səhər saatlarında azərbaycanlı müşahidəçi monitorinq aparılan iki seçki məntəqəsində olub.

“Ümumi təəssürat çox müsbətdir. Qanunla müəyyən edilmiş bütün tələblər yerinə yetirilib. Biz seçki məntəqəsində bütün namizədlər haqqında məlumatların əks olunduğu stendləri görürük, lakin bu məlumat Belarus qanunvericiliyinin tələb etdiyi kimi təşviqat elementlərini ehtiva etmir”, - MSK-nın üzvü vurğulayıb.

Eyni zamanda, Fuad Cavadov seçkilərin sakit ab-havada keçirildiyini əlavə edib:

“Ümumiyyətlə, seçkilər çox sakit və düzgün şəkildə keçirilir. Onların hazırlığı və prosesin sakit ab-havası çox xoşuma gəldi”, - o bildirib.

Xatırladaq ki, Belarusda parlamentin aşağı palatasına və yerli şuralara seçkilər keçirilir.

Mənbə: Belta