Azərbaycandakı mina təhlükəsi "Euronews"un videoreportajında

"Euronews" telekanalı Avropada mina probleminə həsr olunmuş videoreportaj hazırlayıb.

Oxu.Az xəbər verir ki, material 4 aprel - Beynəlxalq Mina Xəbərdarlığı və Minatəmizləmə Fəaliyyətinə Yardım Günü ilə əlaqədar hazırlanıb.

Videoreportajda Azərbaycandakı mina problemi və partlayıcı qurğuların zərərsizləşdirilməsinə geniş yer verilib.

Məlumatda qeyd olunur ki, Azərbaycan hökuməti minalara qarşı mübarizə üzrə aktiv proqramlar həyata keçirir, əhalinin bu problem barədə məlumatlılığını artırır.

Xatırladaq ki, 2005-ci il dekabrın 8-də BMT Baş Assambleyası 4 aprel tarixinin Beynəlxalq Mina Xəbərdarlığı və Minatəmizləmə Fəaliyyətinə Yardım Günü elan edilməsi haqqında qətnamə qəbul edib.

Azərbaycandakı mina təhlükəsi "Euronews"un videoreportajında