Çexiyanın Baş naziri Andrey Babiş Azərbaycana yeni hərbi təlim təyyarəsi təklif edib.
Oxu.Az AZƏRTAC-a istinadən xəbər verir ki, o bu barədə Qəbələdə Prezident İlham Əliyevlə mətbuata bəyanatında qeyd edib.
"Aero Vodoxodı" şirkəti köhnəlmiş "L-39" təyyarələrinə de-fakto xidmət göstərir və təmir edir. Əlbəttə, biz yeni "L-39NG" təyyarəsini Sizə təqdim edirik və onu dəyərləndirsəniz, çox şad olardıq. "Kolt" şirkəti, sözün əsl mənasında, mühüm beynəlxalq şirkətdir və o, bütün dünyaya əla məhsullarını təchiz edir və şadıq ki, sizin polis və digər qüvvələr həmin məhsulları artıq tanıyır", - deyə Çexiya baş naziri bildirib.
