Ceyhun Bayramov Antalyada Sergey Lavrovla görüşdü - YENİLƏNİB + FOTO

Azərbaycan Respublikasının xarici işlər naziri Ceyhun Bayramov Antalya Diplomatiya Forumu çərçivəsində Rusiya Federasiyasının xarici işlər naziri Sergey Lavrov ilə görüşüb.

 Bununla bağlı Azərbaycan Xarici İşlər Nazirliyi məlumat yayıb.

Görüşdə iki ölkə arasında mövcud əməkdaşlıq gündəliyində duran aktual məsələlər, habelə cari regional vəziyyət ətrafında fikir mübadiləsi aparılıb.

Ceyhun Bayramov Azərbaycanın sülh səyləri, eləcə də sülh prosesinin cari vəziyyəti və ölkəmizin baxışları barədə qarşı tərəfi məlumatlandırıb.

Görüş zamanı həmçinin qarşılıqlı maraq doğuran digər ikitərəfli və regional məsələlər müzakirə olunub.

15:57

Azərbaycan xarici işlər naziri Ceyhun Bayramovla Rusiya XİN rəhbəri Sergey Lavrov arasında Antalyada görüş keçirilib.

Azərbaycan Xarici İşlər Nazirliyinin Mətbuat Xidmətindən bildirilib ki nazirlərin görüşündə Azərbaycan və Rusiya arasında ikitərəfli və çoxtərəfli əməkdaşlıq gündəliyi və regionda münaqişədən sonrakı vəziyyət müzakirə olunan məsələlər arasında olub.

In the margins of @AntalyaDF, @Bayramov_Jeyhun, FM of the Republic of #Azerbaijan met with Sergey Lavrov, FM of the Russian Federation.

Bilateral and multilateral cooperation agenda between 🇦🇿-🇷🇺 and the post-conflict situation in the region were among the issues discussed. pic.twitter.com/X3S5uQhPJ3

— MFA Azerbaijan 🇦🇿 (@AzerbaijanMFA) March 1, 2024

15:12

Azərbaycan və Rusiya xarici işlər nazirlərinin görüşü keçirilir.

APA-nın verdiyi xəbərə görə, Ceyhun Bayramovla Sergey Lavrovun görüşü Antalya Diplomatiya Forumu çərçivəsində baş tutub.

Bundan əvvəl, Sergey Lavrov türkiyəli həmkarı Hakan Fidanla da görüşüb.