"Daşnaksütyun" və erməni diasporu: Azərbaycana qarşı təhlükəli təxribat

"Daşnaksütyun" partiyası bu günlərdə yaxın illər üçün öz strategiyasını dərc edib. Əsas vəzifələr arasında Azərbaycanın ərazi bütövlüyünü bilavasitə mübahisə altına alan bəndlər də mövcuddur.

Oxu.Az xəbər verir ki, bu barədə "Caliber"in "YouTube" analitik kanalının yeni buraxılışında bəhs edilir.

"Burada qeyd etmək lazımdır ki, daşnaklar daha geniş mənada Ermənistanın tərkibində təkcə Qarabağı deyil, həm də Naxçıvanı, eləcə də erməni millətçilərinin "qərbi Ermənistan" adlandırdıqları Türkiyənin şərqini görürlər.

Daşnaklar erməni diasporu tərəfindən fəal surətdə dəstəklənir. Bu da aydındır - Ermənistanın gerçəkliklərindən uzaqda olaraq, torpaq artımları və qonşularla müharibə mövzusunda fantaziyalara davam etmək çox asandır.

Bakı isə öz siyasətini Ermənistanda kimin hakimiyyətdə olmasından asılı olmayaraq və ən pis ssenaridən çıxış edərək qurur" , - deyə materialda bildirilir.

Ətraflı süjetdə:

"Daşnaksütyun" və erməni diasporu: Azərbaycana qarşı təhlükəli təxribat