Filippinin keçmiş prezidenti Rodriqo Duterte Beynəlxalq Cinayət Məhkəməsinin (BCM) orderi əsasında şəxsi təyyarəsi ilə Haaqaya uçub.
Oxu.Az xəbər verir ki, bu barədə "Manila Times" qəzeti məlumat yayıb.
Məlumata əsasən, Filippin hüquq-mühafizə orqanlarının nümayəndələri Duterteni İnterpol əməkdaşlarına təhvil veriblər və o, "Gulfstream V" (GLF 5) təyyarəsi ilə Filippini tərk edib.
Qeyd edək ki, R.Duterte insanlığa qarşı cinayətlərdə ittiham olunur.
Beynəlxalq Cinayət Məhkəməsinin (ICC) orderi əsasında Filippinin keçmiş prezidenti Rodriqo Duterte (2016-2022) saxlanılıb.
Oxu.Az xarici KİV-ə istinadən xəbər verir ki, bu barədə Filippin Prezident Administrasiyasının Mətbuat Xidməti məlumat yayıb.
İttihama əsasən, Rodriqo Dutertenin prezident olduğu dövrdə narkotik maddələrdən istifadə və ya satışa görə 30 minə yaxın şəxs heç bir məhkəmə qərarı olmadan hüquq-mühafizə orqanlarının əməliyyatları zamanı öldürülüb.
Qeyd olunur ki, insanlığa qarşı cinayət törətməkdə ittiham edilən prezident Rodriqo Duterte hazırda həbsxanaya yerləşdirilib, araşdırmalar davam etdirilir.
