Rusiya bundan sonra da Dağlıq Qarabağda vəziyyətin sabitləşməsi üçün ondan asılı hər bir şeyi edəcək.
Oxu.Az xəbər verir ki, bunu Rusiyanın Baş naziri Dmitri Medvedev bəyan edib.
“Ümid edirəm ki, hazırda bərqərar olan sülh uzunömürlü olacaq və tərəflər nizamlama məsələlərini danışıqlar masası arxasında davam etdirəcəklər. Mən özüm də bir zamanlar bu işə çox qüvvə sərf etmişəm və istəyirəm ki, bütün bunlar boşa çıxmasın.
İstənilən halda, şübhə etməyə bilərsiniz ki, Rusiya Federasiyası bunun üçün ondan asılı hər bir şeyi edəcək”, - deyə Medvedev Azərbaycan Prezidenti İlham Əliyevlə görüşdə bildirib.
