Fərid Şəfiyev: "Azərbaycanla Fransa arasında böhran mövcud problemlərin ucbatından yaranıb"

"Aydın məsələdir ki, Azərbaycanla Fransa arasında ikitərəfli münasibətlərdəki böhran mövcud problemlərin ucbatından yaranıb".

Oxu.Az xəbər verir ki, bunu Beynəlxalq Münasibətlərin Təhlili Mərkəzinin (BMTM) İdarə Heyətinin sədri Fərid Şəfiyev BMTM-in təşkilatçılığı ilə Bakıda keçirilən "Fransa və Ermənistan-Azərbaycan münaqişəsi" mövzusuna həsr olunmuş beynəlxalq konfransın bağlanış mərasimində deyib.

O bildirib ki, buradakı çıxışlarda ölkələrarası əlaqələrimizdəki müsbət və mənfi nüanslara toxunulub:

"Biz ikitərəfli münasibətlərin vəziyyətini yaxşılaşdırmaq üçün görülməli olan tədbirləri müzakirə etməyə gəlmişik. Biz bu tədbirə bir çox ölkələrin səfirlərini dəvət etmişdik. Fransanın Azərbaycandakı səfirliyi də istəsə, bizim tədbirlərdə iştirak edə bilərdi, amma onlar bu tədbirdə iştirak etmədilər. Biz çox istərdik ki, bu kimi tədbirlər Fransada da olsun. Fransa-Azərbaycan arasındakı münasibətlərin tarixi mövcud böhrandan daha çoxdur".

Mərahim Nəsib