Fransa Xarici İşlər Nazirliyi (XİN) Azərbaycan Prezidenti İlham Əliyevin Fransa vətəndaşı Martin Ryanın əfv edilməsi haqqında qərarını alqışlayıb.
Oxu.Az xəbər verir ki, Fransa xarici siyasət idarəsi bu qərarı humanitar addım kimi səciyyələndirərək, onun ikitərəfli münasibətlər üçün rəmzi önəmini vurğulayıb.
Fransa XİN bəyan edib ki, qəbul edilmiş qərar Azərbaycan hakimiyyəti ilə səbirli və ardıcıl dialoqun nəticəsidir və iki dövlət arasında münasibətlərin normallaşması yolunda mühüm addımdır.
Fransa XİN həmçinin həm Parisdə, həm də Bakıda fəaliyyət göstərən diplomatik komandaların uzlaşdırılmış işini xüsusi qeyd edərək, məhz onların səyləri sayəsində bu nəticənin əldə olunduğunu bildirib.
Qaynar xətt:
(055) 224 12 12
