İsmayıl Serageldin: "Biz sağlam qidalanmağı təbliğ etməliyik"

"İctimai sağlamlıq özəl tibb ilə məhdudlaşmır, lakin qarşısının alınması, monitorinqi və qlobal koordinasiyanı özündə birləşdirən sistemli yanaşma tələb edir".

Oxu.Az xəbər verir ki, bunu Nizami Gəncəvi Beynəlxalq Mərkəzinin həmsədri, Dünya Bankının keçmiş vitse-prezidenti İsmayıl Serageldin XII Qlobal Bakı Forumu çərçivəsində "Qlobal səhiyyə böhranda: Hazırlılıq və bərabərlikdə yeni cəbhələr" mövzusunda panel müzakirəsi zamanı deyib.

O qeyd edib ki, ictimai səhiyyə təkcə ayrı-ayrı xəstələrin müalicəsini deyil, həm də ölkənin və ya regionun əhalisinin ümumi sağlamlığını əhatə edir:

"Bunun üçün fərqli yanaşmalar və statistika tələb olunur".

İsmayıl Serageldin profilaktikanın çox vacib amil olduğunu vurğulayıb:

"Biz sağlam qidalanmağı təbliğ etməliyik, xüsusən də ucqar rayonlarda yaşayan aztəminatlı analar arasında. Bu, normal çəki ilə sağlam körpələrin doğulmasına kömək edir, ana südü ilə qidalanmasını təmin edir və həyatlarının kritik ilk aylarında uşağın inkişafına dəstək verir".

Məhərrəm Əliyev