Rusiya xarici işlər naziri Sergey Lavrov dekabrın 14-də Bakıya səfər edəcək.
Oxu.Az TASS agentliyinə istinadən xəbər verir ki, bununla bağlı Rusiya XİN nümayəndəsi Mariya Zaxarova keçirdiyi brifinqdə məlumat verib.
Onun sözlərinə görə, Lavrov Bakıda keçiriləcək Qara dəniz İqtisadi Əməkdaşlıq Təşkilatına (QİƏT) üzv ölkələrin xarici işlər nazirlərinin görüşündə iştirak edəcək.
“Dekabrın 14-də Sergey Lavrov QİƏT-in xarici işlər nazirlərinin görüşündə iştirak etmək üçün Bakıya səfər edəcək. Tədbir zamanı Azərbaycanın QDİƏT-dəki yarımillik sədrliyinin yekunları müzakirə ediləcək, - Zaxarova deyib. - İqtisadi əməkdaşlıq sahəsi ilə bağlı regional gündəliyə daxil olan bir çox məsələlər müzakirə ediləcək”.
