Məzahir Pənahovdan müəllim və həkimlərin namizədlərin görüşünə gəlməsinə REAKSİYA

Mərkəzi Seçki Komissiyasının bu gün keçirilən iclasında qurumun sədri Məzahir Pənahov deputatlığa namizədlərə bərabər şərait yaradılmasının vacibliyinə toxunub.

Oxu.Az-ın məlumatına görə, M.Pənahov deyib ki, yerli hakimiyyət orqanları namizədə kömək edirsə, məsələ araşdırılmalıdır.

O, müəllimlərin, həkimlərin namizədlərin görüşünə gəlməsinə də münasibət bildirib:

“Mətbuatda yazılır ki, namizədin görüşünə müəllimlər, həkimlər gəlir. Niyə onlar görüşə gəlməməlidir? 18 yaşı olan istənilən Azərbaycan vətəndaşının seçki hüququ var. Bu da həmin məsələlərdən biridir”.

Aqşin Kərimov