Parlament Mərkəzi Bankın İdarə Heyətinin yeni üzvlərini təsdiqlədi

Milli Məclis Mərkəzi Bankın İdarə Heyəti üzvlərinin vəzifəyə təyin edilməsini təsdiqləyib.

Oxu.Az xəbər verir ki, bununla bağlı Azərbaycan Mərkəzi Bankı İdarə Heyəti üzvlərinin vəzifəyə təyin və vəzifədən azad edilməsi haqqında layihə parlamentin bugünkü plenar iclasında müzakirəyə çıxarılıb.

Belə ki, Toğrul Nəcəfəli oğlu Əliyev, Gülər Azər qızı Paşayeva, Əli İsmayıl oğlu Əhmədov və Vüsal Cahangir oğlu Xəlilov Mərkəzi Bankın İdarə Heyətinə üzv təyin edilməsi təklif olunub.

Bundan başqa, Rəşad Temraz oğlu Orucovun AMB İdarə Heyətinin üzvü vəzifəsindən azad edilməsi məsələsi də layihədə yer alıb.

Layihə səsverməyə qoyularaq qəbul edilib.

Qeyd edək ki, "Mərkəzi Bank haqqında" Qanuna əsasən İdarə Heyətinin 7 daimi üzvü olmalıdır.