Türkiyənin prezidenti Rəcəb Təyyib Ərdoğan, Azərbaycan prezidenti İlham Əliyev və Gürcüstan prezidenti Giorgi Marqvelaşvilinin Qarsda iştirak etdikləri Heydər Əliyev adına texniki liseyin açılışında protokol səhvi yaşanıb.
Oxu.Az “CNN Türk”ə istinadla xəbər verir ki, mərasimdə ilk olaraq Türkiyənin İstiqlal marşı səslənib. Onun ardınca iştirakçılar ayaq üstündə Azərbaycanın himninin səsləndirilməsini gözləsələr də, himn səslənməyib.
Ərdoğan öncə protokol müdiri, daha sonra protokol üzrə məsul şəxslərdən məlumat alıb. O, protokolda baş vermiş səhvdən əsəbiləşib.
