Ən son xəbərləri bizim "X" səhifəmizdə izləyin

Quba Soyqırımı Memorial Kompleksi ziyarət olunur
Martın 31-i səhər saatlarından başlayaraq Azərbaycanlıların Soyqırımının 107-ci ildönümü ilə əlaqədar Quba Soyqırımı Memorial Kompleksi kütləvi şəkildə ziyarət edilir.
Oxu.Az AZƏRTAC-a istinadən xəbər verir ki, ziyarətçilər arasında hökumət və dövlət nümayəndələri, idarə və müəssisələrin kollektivləri, siyasi və ictimai təşkilatların üzvləri, respublikanın müxtəlif bölgələrindən olan şagirdlər və tələbələr, sıravi vətəndaşlar, eləcə də xarici vətəndaşlar var. Ziyarətçilər soyqırımı qurbanlarının xatirəsini anmaqla yanaşı, tarixi faktlarla daha yaxından tanış olurlar.
Quba Soyqırımı Memorial Kompleksində Əməkdar rəssam Adil Şıxəliyevin 1918-ci ildə azərbaycanlılara qarşı törədilmiş soyqırımların 107-ci ildönümünə həsr olunan "Mələklərin fəryadı" adlı qobelen sərgisi nümayiş etdirilir. Bu sərgi martın 29-dan etibarən açılıb.
Hazırda Quba Soyqırımı Memorial Kompleksinin əməkdaşları gücləndirilmiş iş rejimində çalışır. Ziyarətçilərə kompleksin bələdçiləri tərəfindən dörd dildə (Azərbaycan, ingilis, rus və ərəb) soyqırımı haqqında informasiyalar verilir.
Kompleks fəaliyyətə başladığı 2013-cü ildən indiyə kimi ümumilikdə 1.2 milyondan çox ziyarətçi qəbul edib. Bu ziyarətçilərin 200 minə yaxını əcnəbilərdir.

"31 Mart - Azərbaycanlıların Soyqırımı Günü" teqi üzrə xəbərlər
- 31 Mart soyqırımı: "Ermənilər öz iddialarını bolşevik bayrağı altında reallaşdırıblar"
- İranla ABŞ arasında müharibə başlayır? - Xəbərlərin 20:00 buraxılışı
- Tarixçi Şamaxıdakı soyqırımı barədə: "Vədlərindən iki gün keçməmiş, Mart hadisələri baş verdi"
- Ermənistan silahlı qüvvələrinin son günlərdə törətdiyi təxribatlar nəyə hesablanıb?
- Ermənilərin Naxçıvanda törətdikləri qırğın: "Yeddi il yas saxlandı"