Ən son xəbərləri bizim "Instagram" səhifəmizdə izləyin
:1200.jpg)
Rəcəb Tayyib Ərdoğan İlham Əliyevə zəng edib - VİDEO
Fevralın 7-də Türkiyə Respublikasının Prezidenti Rəcəb Tayyib Ərdoğan Azərbaycan Respublikasının Prezidenti İlham Əliyevə zəng edib.
Bu barədə AZƏRTAC xəbər verir.
Türkiyə Prezidenti İlham Əliyevi prezident seçkisində inamlı qələbə qazanması münasibətilə səmimi-qəlbdən təbrik edib, ölkəmizin daha da inkişaf etdirilməsi və xalqımızın rifahı naminə prezidentlik fəaliyyətində ona yeni uğurlar arzulayıb. Rəcəb Tayyib Ərdoğan dövlətimizin başçısının rəhbərliyi ilə Vətən müharibəsində Azərbaycanın qələbə çalmasının və suverenliyimizin tam bərpa olunmasının böyük önəm daşıdığını bir daha vurğulayıb, bu xüsusda Azərbaycanda prezident seçkisinin bütün ölkə ərazisində keçirilməsi münasibətilə də təbriklərini çatdırıb.
Dövlətimizin başçısı göstərilən diqqətə və təbrikə görə təşəkkürünü bildirib.
Prezident İlham Əliyev və Prezident Rəcəb Tayyib Ərdoğan Azərbaycan-Türkiyə dostluq, qardaşlıq və strateji müttəfiqlik münasibətlərinin bütün sahələrdə gələcəkdə də inkişaf edəcəyinə və möhkəmlənəcəyinə, “bir millət, iki dövlət” prinsipi əsasında ölkələrimizin və xalqlarımızın bundan sonra da çiyin-çiyinə irəli gedəcəklərinə əminliklərini ifadə ediblər.
Telefon söhbəti zamanı əməkdaşlığımızın perspektivləri barədə fikir mübadiləsi aparılıb.

"Rəcəb Tayyib Ərdoğan" teqi üzrə xəbərlər
- Ərdoğan Pakistanın baş nazirinə "Togg" avtomobili hədiyyə etdi
- Pakistanın paytaxtında ən işlək magistral küçəyə Ərdoğanın adı veriləcək
- Türkiyənin Azərbaycandakı səfiri: "Şimali Kipr beynəlxalq arenada layiqli yerini alacaq"
- Ərdoğan: "Yeni dünya nizamı yaradılarkən İslam aləminin maraqları nəzərə alınmalıdır"
- Ərdoğan Azərbaycanla vacib sazişi TƏSDİQLƏDİ