"Yeni Kaledoniyada baş verən son iğtişaşlar zamanı Fransa polisi tərəfindən müstəqillik hərəkatlarının üzvləri qanunsuz həbs ediliblər".
Oxu.Az xəbər verir ki, bunu Bakı Təşəbbüs Qrupunun (BTQ) icraçı direktoru Abbas Abbasov Qvadelupanın Azadlığı naminə Xalq Birliyinin təşkilatçılığı və Bakı Təşəbbüs Qrupunun dəstəyi ilə Fransa müstəmləkəçiliyindən əziyyət çəkən Korsika, Melaneziya, Polineziya, Karib və Antil adalar qrupundan olan şəxslərin Bakıda Birinci Qurultayında çıxışı zamanı deyib.
Onun sözlərinə görə, müstəqillik hərəkatının üzvləri ilə terrorçu kimi rəftar edilib və onları gizli şəkildə Parisə apararaq müxtəlif işğəncələrə məruz qoyublar:
"Onlar arasında azyaşlı uşaqları olan qadınlar da var. BTQ siyasi məhbusların ailələrinə və onları müdafiə edən vəkillərə yardım edəcəyini bəyan edir. Bugünkü tədbirimizdə həmin siyasi məhbusların bəzilərinin ailələri iştirak edirlər".
Aqil Vəlili
