"Beynəlxalq sülh və rifah naminə Tramp marşrutu"nun (TRIPP-red.) vaxtında həyata keçirilməsi böyük əhəmiyyət kəsb edir".
Oxu.Az xəbər verir ki, bu barədə Azərbaycanın xarici işlər naziri Ceyhun Bayramov ATƏT Nazirlər Şurasının 32-ci iclasında çıxışı zamanı bildirib.
"Bu multimodal bağlantılar marşrutu dəmir yolu, avtomobil yolu və digər kommunikasiyaları əhatə etməlidir. Və Ermənistan üçün qarşılıqlı bağlantı faydaları ilə birlikdə Azərbaycanın əsas hissəsindən onun Naxçıvan Muxtar Respublikasına maneəsiz keçidi təmin etməlidir. Dəfələrlə bəyan olunduğu kimi, kommunikasiyaların açılmasının əhəmiyyəti təkcə Ermənistan və Azərbaycan arasında sülhün dayanıqlı olmasına təsir göstərmir, daha geniş miqyasda böyük faydalar gətirir", - nazir qeyd edib.
