Bakının bəzi ərazilərində işıq olmayacaq

Bakının bəzi ərazilərində elektrik enerjisinin verilişi məhdudlaşdırılacaq.

Bu barədə Oxu.Az-a “Azərişıq” ASC-nin mətbuat xidmətinin rəhbəri Tanrıverdi Mustafayev məlumat verib.

“Bağlar Enerji Təchizatı və Satış İdarəsinin (ETSİ) xidmət ərazisində yerləşən 110/35/6 kV-luq 136 saylı y/st-ya gələn 110 kV-luq elektrik verilişi xəttində yenidənqurma işləri ilə əlaqədar olaraq yanvarın 14-15-də Qurd Dərəsi, Sarıqaya, Fatmayı, Novxanı, Goradil bağlarının bəzi ərazilərində elektrik enerjisinin verilməsində qısamüddətli fasilələr yaranacaq”,-  deyə ASC rəsmisi qeyd edib.

İlhamə Əbülfət