Ölkədə koronavirusla bağlı müayinələr başlayır - RƏSMİ

“Gələn ay ölkəmizdə seroloji müayinələr aparılacaq”.

Oxu.Az-ın məlumatına görə, bunu Nazirlər Kabineti yanında operativ qərargahın keçirdiyi mətbuat konfransında Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri Ramin Bayramlı bildirib.

Sədr əlavə edib ki, bu müayinələr nəticəsində xəstəliyin simptomatik və asimptomatik gedişatı ilə müşayiət olunan insanların immun cavabının necə olduğu məlum olacaq.

O qeyd edib ki, tədqiqat üçün artıq hədəf qrupları müəyyən edilib:

“Həmin vaxt COVID-19-a qarşı antitellərin qalıcı olub-olmaması öyrəniləcək”.

İlhamə Əbülfət