Nurməhəmmədovun kəmərinə iddialı döyüşçü növbəti qarşılaşmanı anons etdi

MMA döyüşçüsü Toni Ferqyuson “Instagram” hesabında növbəti qarşılaşmanın anonsunu verib.

Ferqyuson yazıb ki, oktaqona qayıdır.

O, paylaşımının sonuna “işə əqayıdıram” həştəqini əlavə edib. Ferqyuson sözünü belə bitirib:

“Döyüş barədə xəbərləri gözləyin”.

Ferqyuson da yüngül şəkidə UFC üzrə çempion adına namizəddir. O, dəfələrlə bildirib ki, dekabrda H.Nurməmmədovla qarşılaşmağa ümid edir.

Amerikalı döyüşçü UFC-də ard-arda 12 qələbə qazanıb. Onun sonuncu döyüşü Donald Seroneyə qarşı olub. İkinci raundda oyun həkimin işarəsi ilə dayandırılıb. Belə ki, Serone artıq aldığı zədələr səbəbindən davam etmək iqtidarında deyilmiş.

Həbib Nurməhəmmədov isə işirak etdiyi 28 döyüşünün hər birində qalib gəlib. Sentyabrın 7-də o, amerikalı Dastin Puaryeni məğlub etməklə, UFC çempionu titulunu ikinci dəfə özündə saxlamağı bacarıb.