Anna Kurnikova

Anna Sergeevna Kurnikova 7 iyun 1981-ci ildə Moskvada idmançı ailəsində anadan olub. Uşaq yaşlarından tennisə qeyri-adi qabiliyyət nümayiş etdirib, beş yaşında “Spartak” klubunda məşqlərə başlayıb. 1991-ci ildə ABŞ-a köçüb və Nik Bolletierinin akademiyasında təhsil alıb. Peşəkar karyeraya 14 yaşında başlayıb və tezliklə dünya tennis elitasina daxil olub.

Kurnikova təkli WTA reytinqində səkkizinci, cütlüklərdə isə birinci yerə yüksəlib. Martina Hinqislə birlikdə iki dəfə Böyük Dəbilqə turnirlərində qalib olub (Australian Open 1999 və 2002). 1997-ci il Uimbldonunda təkli yarımfinalçı olub. Böyük Dəbilqə turnirlərində təkli titul qazanmasa da, xarizması və media populyarlığı sayəsində ən tanınan idmançılardan birinə çevrilib. 2003-cü ildə zədələr səbəbindən peşəkar karyerasını bitirib.

2001-ci ildən ispan müğənnisi Enrike İqlesiasla münasibətdədir. Cütlük Mayamidə gizli həyat tərzi sürür. Dörd övladları var: əkizlər Nikolas və Lusi (16 dekabr 2017), Meri (Maşa, 30 yanvar 2020) və dördüncü uşaq (17 dekabr 2025-ci il doğulub). 22 dekabr 2025-ci ildə Kurnikova Instagramda körpənin fotosunu paylaşaraq “My Sunshine 12.17.2025” başlığı ilə doğumu elan edib.

Hazırda Anna ailəsinə həsr edib, ictimaiyyətdən uzaq durur və nadir hallarda tədbirlərdə görünür. Tennisdəki irsi və stil ikonu kimi populyarlığı əhəmiyyətli olaraq qalır.