"Kibercinayətkarlıqla Mübarizə Baş İdarəsi" teqi üzrə xəbərlər
Son illərdə informasiya texnologiyalarının sürətli inkişafı ilə əlaqədar olaraq kibercinayətkarlıq halları da artmaqdadır. Azərbaycan Respublikasının Prezidenti cənab İlham Əliyevin tapşırığına əsasən, ölkəmizdə kibercinayətkarlığa qarşı mübarizəni gücləndirmək məqsədilə Daxili İşlər Nazirliyinin tərkibində Kibercinayətkarlıqla Mübarizə Baş İdarəsi yaradılıb.
Qeyd edək ki, son statistik məlumatlara görə, dünyada kibercinayətkarlıq nəticəsində iqtisadiyyata dəyən ziyan 1 trilyon ABŞ dollarından çoxdur. Azərbaycanda da bu sahədə ciddi addımlar atılır. Ötən il ölkəmizdə kibercinayətkarlıqla bağlı 1500-dən çox fakt qeydə alınıb və 200-dən çox şəxs cinayət məsuliyyətinə cəlb edilib.
Yeni qurum kibercinayətkarlığın aşkarlanması və qarşısının alınması, bu sahədə ixtisaslı kadrların hazırlanması, beynəlxalq əməkdaşlığın gücləndirilməsi istiqamətində fəaliyyət göstərəcək. İdarənin yaradılması ölkəmizin informasiya təhlükəsizliyinin təmin olunmasında mühüm rol oynayacaq.
Xatırladaq ki, Azərbaycan Respublikası 2008-ci ildən Avropa Şurasının "Kibercinayətkarlıq haqqında" Konvensiyasına qoşulub və bu sahədə beynəlxalq öhdəliklərini yerinə yetirir. Yeni idarənin yaradılması ölkəmizin konvensiya çərçivəsində öhdəliklərinin icrası baxımından da əhəmiyyətlidir.
