"Musa Şəkiliyev" teqi üzrə xəbərlər
Musa Şəkiliyev 23.09.1959-cu ildə Qax rayonunda anadan olub. O, 1976-cı ildə Qax şəhər 1 nömrəli orta məktəbini bitirib, Rostov vilayətinin Novoçerkassk mühəndis-meliorasiya institutuna daxil olub və 1981-ci ildə meşə təsərrüfatı mühəndisi ixtisasına yiyələnərək oranı bitirib.
Musa Şəkiliyev əmək fəaliyyətinə Qax meşə təsərrüfatı idarəsində meşə ustası kimi başlayıb. O, 1981-1986-cı illərdə Qax meşə təsərrüfatı idarəsində meşə ustası və meşəbəyi, 1986-1987-ci illərdə Qax rayon Xalq Deputatları Soveti İcraiyyə Komitəsində mülki müdafiə qərargahının rəisi, 1987-1989-cu illərdə İlisu Dövlət Qoruğunun direktoru, 1989-2002-ci illərdə Qax meşə təsərrüfatının direktoru, 2002-2010-cu illərdə Respublika Ekologiya və Təbii Sərvətlər Nazirliyinin meşələrin mühafizəsi və bərpası idarəsinin rəis vəzifəsini icra edən, Meşələrin İnkişafı Departamentinin direktor müavini vəzifələrində işləyib.
Musa Şəkiliyev Azərbaycan Respublikası Prezidentinin 12 aprel 2010-cu il tarixli 850 nömrəli sərəncamı ilə Qax Rayon İcra Hakimiyyətinin başçısı vəzifəsinə təyin edilib.
Musa Şaban oğlu Şakiliyev Azərbaycan Respublikasının ictimai-siyasi həyatında fəal iştirakına görə "Vətənə xidmətə görə" 2-ci dərəcəli ordeni ilə təltif edilib.
Yeni Azərbaycan Partiyasının üzvüdür.
Evlidir, 3 övladı var.
20 iyun 2025-ci ildə Dövlət Təhlükəsizliyi Xidməti (DTX) Qax rayonunda əməliyyat keçirib və əməliyyat zamanı Qax Rayon İcra Hakimiyyətinin başçısı Musa Şəkiliyev saxlanılıb.
:600.jpg)
