DTX-nin saxladığı sabiq icra başçısı HƏBS OLUNDU

Dövlət Təhlükəsizliyi Xidməti (DTX) tərəfindən keçirilən əməliyyat zamanı saxlanılan Qax Rayon İcra Hakimiyyətinin sabiq başçısı Musa Şəkiliyev barəsində həbs qətimkan tədbiri seçilib.

Oxu.Az-ın məlumatina görə, bu barədə qərar Səbail Rayon Məhkəməsində hakim Rəna Qafarovanın sədrliyi ilə keçirilən prosesdə verilib.

Sabiq icra başçısı barəsində 4 ay müddətinə həbs qətimkan tədbiri seçilib.

Qeyd edək ki, Musa Şəkiliyev ötən gün DTX-nin əməliyyatı zamanı tutulub. O, qulluq mövqeyindən istifadə etməklə xüsusilə külli miqdarda dövlət əmlakını mənimsəmə cinayətində ittiham olunur.

Bu gün Prezident İlham Əliyevin Sərəncamına əsasən o, Qax rayon icra başçısı vəzifəsindən azad edilib.

DTX-nin saxladığı sabiq icra başçısı HƏBS OLUNDU

Elgün Həsənli