13 
Fev
2024
00:53
19
113
1291
Virtual karabakh

Pakistanda seçki sonrası etirazlar xaosa səbəb oldu

13 Fev, 2024
00:53
1291

Pakistanda seçki sonrası etirazlar xaosa səbəb oldu

Bizim WhatsApp kanalımıza buradan abunə ola bilərsiniz

Pakistanda fevralın 8-də keçirilən ümumi seçkidən sonra keçmiş baş nazir İmran Xanın partiyası - “Pakistan Ədalət Hərəkatı”nın tərəfdarları seçkilərin saxtalaşdırıldığını iddia edərək etirazlarını davam etdirirlər.

Üç gündür ölkə boyu etiraz aksiyası keçirən Xan tərəfdarları Kəraçidə “Camaat-e-İslami” partiyası ilə birgə oturaq etiraz aksiyası keçirib.

Həmçinin, etirazçılar Pişəvər-İslamabad magistral yolunu bağlayıblar.

Lahorda təxminən 200 Xan tərəfdarından ibarət qrup polisin dəyənəklərlə müdaxiləsindən sonra dağılıb. Nümayişçilər “Pakistan Müsəlman Liqası”nın lideri və keçmiş baş nazir Navaz Şərifə qarşı şüarlar səsləndiriblər.

Qeyd edək ki, “Pakistan Ədalət Hərəkatı” 264 yerlik parlamentdə 92 yer qazanaraq seçkilərdə ən çox yer qazanan partiya olsa da, heç bir partiya hökuməti qurmaq üçün lazım olan 135 yerə sahib ola bilməyib.

Şərifin partiyası isə seçkidə 79 yer qazanaraq ikinci olub.

Hazırda Şərif 54 mandat qazanan Bilaval Bhutto Zardarinin rəhbərlik etdiyi Pakistan Xalq Partiyası ilə koalisiya hökuməti danışıqları aparır.

Mənbə: CNN Türk​

Bizimlə əlaqə saxlayın

Digər Dünya xəbərləri