“Azərbaycan” İES-də qəzanın baş verməsinə səbəb havaların isti keçməsi olub.
Oxu.Az xəbər verir ki, bunu Baku TV-yə açıqlamasında Azərenerji” ASC-nin İctimaiyyətlə əlaqələr və mətbuat xidmətinin rəisi Yəhya Babanlı bildirib.
Onun sözlərinə görə, hazırda qəzanın yaratdığı problemlər həll edilir:
“Havaların kəskin isti keçməsi və istehlakçıların elektrik enerjisinə olan tələbatının artması qəzanın baş verməsinə səbəb olub. Bu, müəyyən fəsadlar yaradıb. Düzdür, qəzadan kimsə sığortalanmır. Biz də sığortalanmamışıq. Nəticədə, belə xoşagəlməz hadisə baş verdi”.
Yəhya Babanlı qeyd edib ki, məsələ barədə artıq tədbirlər görülüb.
Məsələ ilə bağlı videomüsahibəni təqdim edirik:
“Azərenerji”: İstilik elektrik stansiyasında qəzaya isti hava səbəb olub - VİDEO
