Avqustun 28-də Heydər Əliyev Fondunun təşəbbüsü ilə yaradılan Bakı Kitab Mərkəzinin açılışı olub.
Oxu.Az-ın xəbərinə görə, Kitab Mərkəzi paytaxtın Üzeyir Hacıbəyli və Qoqol küçələrinin kəsişməsində yerləşir.
Fəaliyyətində əsas məqsədi mütaliəyə marağın artırılması olan Bakı Kitab Mərkəzində Azərbaycan və digər dillərdə dünya ədəbiyyatı bestsellerləri, incəsənətə dair nadir albomlar, turistlər üçün bələdçi kitablar, musiqi kitabları və notlar satılır.
Burada müxtəlif dillərdə və janrlarda 10 mindən çox adda kitab var.
Mərkəzdə ümumilikdə, oxucular Azərbaycan dili ilə yanaşı, rus, ingilis, alman, fransız, ispan və ərəb dillərində nəşrlər də əldə edə bilərlər.
Baku TV Bakı Kitab Mərkəzinin şərhsiz görüntülərini təqdim edir:
