Abşeronda avtomobil kuryeri vurdu

Baş Dövlət Yol Polisi İdarəsi Abşeron rayonunda piyadanın vurulması ilə nəticələnən hadisə ilə bağlı açıqlama yayıb.

Qurumun inspektoru polis leytenantı Elvin Hacıyev Oxu.Az-a açıqlamasında bildirib ki, yol-nəqliyyat hadisəsi 23 dekabr saat 01:10-da Bakı-Quba-Dağıstan sərhədi yolunun Binəqədi rayonu ərazisindən keçən 8-ci kilometrliyində qeydə alınıb:

"1985-ci il təvəllüdlü Elman İlham oğlu Qəmbərov idarə etdiyi "Infiniti" markalı 77-EB-683 dövlət nömrə nişanlı nəqliyyat vasitəsi ilə yolu keçən piyada 1980-cı il təvəllüdlü Elçin Elman oğlu Əliyevi vurub. Nəticədə E.Əliyev xəsarət alıb. Faktla bağlı araşdırma aparılır".

Əldə etdiyimiz məlumata görə, E.Əliyev kuryer fəaliyyəti ilə məşğuldur.

Əzizə İsmayılova

09:32

Abşeron rayonunda piyadanın xəsarət alması ilə nəticələnən yol-nəqliyyat hadisəsi baş verib.

Oxu.Az "Report"a istinadla xəbər verir ki, 1980-ci il təvəllüdlü Elçin Elman oğlu Əliyev yolu keçərkən avtomobil onu vurub.

Yaralı təcili tibbi yardımın köməyi ilə xəstəxanaya çatdırılıb. Müayinə zamanı ona açıq kəllə-beyin travması və baş-beyinin əziyi diaqnozları qoyulub.

Faktla bağlı araşdırma aparılır.