Ölkə ərazisində müşahidə olunan yağışlı və küləkli hava şəraitinə baxmayaraq, qatarlar qrafik üzrə hərəkətini davam etdirir.
Oxu.Az xəbər verir ki, bu barədə "Azərbaycan Dəmir Yolları" QSC (ADY) məlumat yayıb.
Bildirilib ki, əlverişsiz hava şəraitinin yarada biləcəyi çətinliklərin aradan qaldırılması üçün müvafiq tədbirlər görülür. Hazırda əməkdaşlar tərəfindən bütün ərazilərə nəzarət edilir.
ADY belə havada görmə məsafəsinin məhdudlaşa, yer səthinin isə sürüşkən ola biləcəyini nəzərə alaraq sərnişinləri platformalarda hərəkət edərkən və dəmiryol keçidlərindən keçərkən diqqətli olmağa çağırıb.
Qaynar xətt:
(055) 224 12 12
