Azərbaycanın Futbol Federasiyaları Assosiasiyası (AFFA) Türkiyə Futbol Federasiyasının “Qalatasaray” və “Fənərbağça” komandaları arasında Türkiyə Superkuboku uğrunda matçın Bakıda keçirilməsi barədə sorğusuna rəsmi cavab verib. Azərbaycan Xəbərləri AFFA-nın saytına istinadən xəbər verir ki, AFFA avqustun 11-də Bakıda keçirilməsi təklif olunan matça qədər vaxtın az qaldığını nəzərə alaraq, TFF-in sorğusuna rədd cavabı verib. “Oyun gününədək qalan vaxtın məhdud olması nəzərə alınaraq, Türkiyə Superkuboku uğrunda qarşılaşmanın bu il Bakıda keçirilməməsi məqsədəuyğun sayılıb” – federasiyanın cavabında qeyd olunur. Xatırladaq ki, bundan əvvəl Türkiyə mətbuatı matçın Bakıda keçiriləcəyinə dair razılaşmanın artıq alındığı barədə yazmışdı. Lakin göründüyü kimi, bu xəbərlər doğru çıxmadı. Azərbaycan Xəbərləri
