Baku TV-nin "O vaxtlar" verilişinin budəfəki qonağı əslən Qərbi Azərbaycanın Göyçə mahalının Daşkənd kəndindən olan tədqiqatçı, jurnalist Araz Yaquboğlu olub.
O, Qərbi Azərbaycanın toy adətlərindən danışıb.
"Bizdə qız alanda ağsaqqallar onun hansı nəsildən olmasına önəm verərdilər. Keçmişdə indi olduğu kimi oğlan özü qərar verməzdi, valideynlər məsləhət verər, qohumluq və uyğunluq ön planda olardı", - deyə Araz Yaquboğlu bildirib.
O həmçinin tarixi hadisələrdən də söz açıb: "Ermənilər azərbaycanlılara zülm etmək üçün Aşıq Nəcəfi və Səməd Ağanı hədəf alıblar. 1919-cu ildə Səməd Ağanı öldürüblər, Aşıq Nəcəf isə üç gün ac-susuz musiqi çalaraq işgəncəyə məruz qalıb. Sonra onu Küllütəpə adlı əraziyə aparıblar, belinə samovarı bağlayıb sazını sındıraraq işgəncə veriblər. Onun beş oğlu da öldürülüb".
