Avstriyalı idmançılar Bakıda qəzaya uğradılar

Bakı Avropa Oyunları Əməliyyat Komitəsinin (BEGOC) tibb xidməti bu gün səhər Bakıda Atletlər Kəndində yerləşən Nəqliyyat Deposunda baş verən qəza ilə bağlı açıqlama verib.

Oxu.Az BEGOC-un rəsmi saytına istinadən xəbər verir ki, hadisə nəticəsində 3 nəfər avstriyalı idmançı dərhal xəstəxanaya yerləşdirilib.

“BEGOC bütün idmançıların təhlükəsizliyini və sağlamlığını ən vacib məsələ hesab edir. Hal-hazırda bununla bağlı ətraflı məlumat verə bilmirik. Daha təfsilatlı informasiya gün ərzində təmin ediləcək”.

Qeyd edək ki, bəzi yerli KİV-də yayılan məlumata görə, qəza bu gün səhər saatlarında baş verib. BEGOC-a məxsus avtobus Atletlər kəndinin yaxınlığında qəzaya uğrayıb.

www.oxu.az