:1200.jpg)
Bir neçə müddətdir ki, Astara rayonunun Şahağacı kəndi ərazisində torpaq sürüşməsi intensivləşib.
Xezerxeber.az-ın məlumatına görə, ərazidən keçən Pensərçay qarşısına çıxdığı torpaq qatını yuyaraq, evlərə doğru istiqamət alır.
Pensərçay sağ və sol sahillərinə doğru 20 - 25 metr genişlənib. Sakinlərin istifadə etdiyi yolda təhlükəli vəziyyət yaranıb. İndi yoldan ağır tonajlı yük maşınları keçə bilmir.
Torpaq sürüşməsi vətəndaşların həyətyanı sahələrindəki tikililərə, meyvə bağlarına da ciddi ziyan vurub.
Kənd Bələdiyyəsindən bildirilib ki, məsələ ilə bağlı aidiyyəti qurumlara məlumat verilib.
Bələdiyyə sədri qeyd edıb ki, ilin sonuna kimi ərazidə tədbirlərin görülməsi nəzərdə tutulub.
Ətraflı süjetdə:
10:16
Astara rayonunun Şahağacı kəndi ərazisindəki torpaq sürüşməsi yenidən intensivləşib.
“Report”un məlumatına görə, sel və daşqınlar zamanı ərazidən keçən Pensərçay torpaq qatını yuduğundan çay sahilinin evlərlə məsafəsi azalıb.
Pensərçay sağ və sol sahillərə doğru 20-25 metr genişlənib.
Sakinlərin sözlərinə görə, yol yük maşınlarının hərəkəti zamanı daha təhlükəli olur. Torpaq sürüşməsi vətəndaşların həyətyanı sahələrindəki tikililərə, meyvə bağlarına da ciddi ziyan vurub. 20 metr enində, 50 metr uzunluğunda torpaq qatının uçqunu, həmçinin, sakinlərin həyətyanı sahələrinə, yardımçı tikililərə və ağaclara da zərər vurub.
Sakinlər qarşıdakı aylarda baş verə biləcək sel və daşqınların daha böyük təhlükə yaradacağından ehtiyatlanırlar.
Məsələ ilə bağlı Şahağacı kənd bələdiyyəsinin sədri Samir Mayilov bildirib ki, yeddi evə gedən yol tamamilə yuyulub. Gediş-gəliş üçün məhdudiyyətlər yaranıb:
“Baş verən təbii fəlakətlə bağlı dərhal rayon icra hakimiyyətində komissiya yaradılıb. Yaradılan komissiya ilə birgə həmin yerlərə baxış keçirilib. Fövqəladə Hallar Nazirliyinin və Azərbaycan Dövlət Su Ehtiyatları Agentliyinin müvafiq qurumlarına müraciət olunub. Onların əməkdaşları yerlərə baxış keçiriblər və məsələ aktlaşdırılıb. Ərazidə bəndləşmə işləri ilə bağlı müəyyən tapşırıqların verilməsi müzakirə olunub. İlin sonuna kimi ərazidə tədbirlərin görülməsi nəzərdə tutulub”.
:640.jpg)
