Bakı-Şamaxı yolunda zəncirvari yol-nəqliyyat hadisəsinin təfərrüatı məlum olub.
Oxu.Az-ın sorğusuna cavab olaraq Baş Dövlət Yol Polisi İdarəsindən (BDYPİ) bildirilib ki, hadisə bu gün səhər saat 08:30-da Bakı-Şamaxı yolunun 110.2-ci kilometrliyində qeydə alınıb.
"İsmayıl Oruc oğlu Nəbiyev idarə etdiyi 77-JG-119 dövlət nömrə nişanlı IVECO markalı yük avtomobilini aşırıb. Hadisə nəticəsində xəsarət alan olmayıb. Daşlar yoldan yığılıb və hərəkət təmin edilib", - deyə məlumatda bildirilir.
Bakı-Şamaxı avtomobil yolunda ağır yol-nəqliyyat hadisəsi baş verib.
Oxu.Az xəbər verir ki, bununla bağlı videogörüntülər sosial şəbəkələrdə yayılıb.
İddialara görə, qəza iki yük avtomobilinin toqquşması nəticəsində baş verib. Toqquşmanın təsirindən yük maşınlarından biri aşıb, daşıdığı yük isə yolun hərəkət hissəsinə dağılıb. Hadisə yerinə polis əməkdaşları cəlb olunublar və ərazidə təhlükəsizlik tədbirləri görülür.
Xəsarət alanların olub-olmaması barədə hələlik rəsmi məlumat açıqlanmayıb.
Faktla bağlı aidiyyəti quruma sorğu ünvanlanıb.
