"Bakı Beynəlxalq Avtovağzalında Bakı-Xaçmaz və Bakı-Xudat istiqamətlərində onlayn biletlərin satışı bilərəkdən məhdudlaşdırılır".
Bununla bağlı Oxu.Az-a sərnişin şikayəti daxil olub.
Qeyd olunub ki, saat 18:00, 18:30 və 19:00-a olan biletlər 2-3 gün əvvəl onlayn tətbiq olan "Biletim"dən yığışdırılır və ancaq 1-2 saat qalmış açılır.
"1-2 saat qalmış açılanda da onlayn satış heç cürə mümkün olmur. Bundan əziyyət çəkən isə yenə də biz sərnişinlər oluruq", - deyə şikayətçi bildirib.
Məsələ ilə bağlı Azərbaycan Yerüstü Nəqliyyat Agentliyinə (AYNA) sorğu ünvanladıq.
Qurumdan Oxu.Az-ın sorğusuna cavab olaraq bildirilib ki, hazırda Bakı-Xaçmaz və Bakı-Xudat istiqamətində onlayn bilet satışında heç bir məhdudiyyət tətbiq edilmir:
"Bu istiqamətdə axşam reyslərində sərnişin axını olmadığı üçün əvvəllər bəzi günlərdə onlayn bilet satışı dayandırılıb".
Əzizə İsmayılova
:640.jpg)
Rəylər