Bakıda eyni ərazidə iki hadisə: Motosiklet yandı, avtobus avtomobillə toqquşdu

Paytaxtın Nizami rayonunda, metronun "Koroğlu" stansiyasının yaxınlığında eyni anda iki yol-nəqliyyat hadisəsi baş verib.

Oxu.Az bildirir ki, bununla bağlı görüntülər sosial şəbəkədə paylaşılıb.

Qeyd olunur ki, motosiklet aşaraq yanıb, həmçinin, sərnişin avtobusu başqa bir avtomobillə toqquşub. Nəticədə ərazidə sıxlıq yaranıb.

Fövqəladə Hallar Nazirliyinin Mətbuat Xidmətinin əməkdaşı Ehtiram Xəlilov hadisə ilə bağlı Oxu.Az-ın sorğusuna cavab olaraq bildirib ki, FHN-in Dövlət Yanğından Mühafizə Xidmətinin qüvvələri əraziyə cəlb olunublar:

"Yanğınsöndürənlərin çevik müdaxiləsi sayəsində motosikletdə baş vermiş yanğın qısa müddətdə söndürülüb. Xəsarət alan yoxdur".

Məhərrəm Əliyev