Yasamal rayonunda, güclü partlayış və yanğın baş vermiş C.Cabbarlı adına "Azərbaycanfilm" kinostudiyasının ərazisindən fotogörüntülər yayılıb.
Oxu.Az həmin görüntüləri təqdim edir:
"Bakı şəhəri, Yasamal rayonu, C.Cabbarlı adına "Azərbaycanfilm" kinostudiyasının ərazisində baş vermiş yanğın nəticəsində xəsarət alan olmayıb".
Oxu.Az xəbər verir ki, bunu jurnalistlərə açıqlamasında Fövqəladə Hallar Nazirliyinin Dövlət Yanğından Mühafizə Xidmətinin rəis müavini, polkovnik Taleh Babayev bildirib.
"Ərazidə baş verən yanğın hadisəsi qısa müddətdə məhdudlaşdırılaraq söndürülüb. Hazırda heç bir yanğın hadisəsi yoxdur".
O əlavə edib ki, yanğının konkret hansı səbəbdən baş verdiyi dəqiqləşdirilir.
"Partlayışın nədən baş verdiyini demək hələ mümkün deyil".
Oxu.Az xəbər verir ki, bunu İctimai Televiziyaya açıqlamasında Bakı Şəhər İcra hakimiyyətinin başçısı Eldar Əzizov deyib.
"Hadisə yerində Fövqəladə Hallar Nazirliyinin ekspertləri işləyirlər. Yəqin, səhərə yaxın nəsə biləcəyik. Hər halda olmamalı idi, amma olub", - deyə o bildirib.
Yasamal rayonunda, Cəfər Cabbarlı adına "Azərbaycanfilm" kinostudiyasının arxa tərəfində yerləşən, istifadəsiz anbarda baş vermiş partlayışla bağlı hadisə yerindən yeni görüntülər yayılıb.
Oxu.Az həmin görüntüləri təqdim edir:
Bakı Şəhər İcra Hakimiyyətinin başçısı Eldar Əzizov Yasamal rayonunda "Azərbaycanfilm" kinostudiyasının ərazisində baş verən partlayışla bağlı hadisə yerinə gəlib.
Oxu.Az-ın əldə etdiyi məlumata görə, icra başçısı ərazidə görülən tədbirlərlə yerində tanış olub.
Qeyd edək ki, mədəniyyət nazirinin müavini Murad Hüseynov və Kino Agentliyinin (ARKA) direktoru Rəşad Əzizov da hadisə yerinə gəliblər.
Yasamal rayonunda, Cəfər Cabbarlı adına "Azərbaycanfilm" kinostudiyasının arxa tərəfində yerləşən, istifadəsiz anbarda baş vermiş partlayışla bağlı yeni görüntülər yayılıb.
Oxu.Az hadisə baş vermiş ərazidən görüntüləri təqdim edir:
Qeyd edək ki, partlayışın dəqiq səbəbi hələlik məlum deyil. Rəsmi qurumlar tərəfindən əlavə məlumatların yaxın zamanda ictimaiyyətə təqdim olunacağı bildirilib.
Partlayışdan sonra başlamış yanğının söndürüldüyü məlumat verilib.
İyunun 26-da Cəfər Cabbarlı adına "Azərbaycanfilm" kinostudiyasının arxa tərəfində yerləşən, uzun müddətdir istifadə olunmayan anbarda partlayış baş verib. Hadisə ilə bağlı əraziyə Fövqəladə Hallar Nazirliyinin, hüquq-mühafizə orqanlarının və Mədəniyyət Nazirliyinin əməkdaşları cəlb olunublar.
Oxu.Az xəbər verir ki, bu barədə Mədəniyyət Nazirliyindən məlumat verilib.
Bildirilib ki, hazırda partlayışın dəqiq səbəblərinin müəyyənləşdirilməsi məqsədilə araşdırmalar aparılır. Ərazidə təhlükəsizlik tədbirləri görülür və texniki ekspertlər işə cəlb olunublar.
Əlavə məlumatlar rəsmi mənbələr tərəfindən ictimaiyyətə təqdim olunacaq.
Yasamalda baş vermiş partlayışdan sonra metronun "20 Yanvar" stansiyasının iş vaxtı uzadılmayacaq.
"Bakı Metropoliteni" QSC-nin Mətbuat Xidmətindən Oxu.Az-ın sorğusuna cavab olaraq bildirilib ki, saat 00:00-da bütün stansiyaların sərnişinlərin girişinə bağlanması qaydası qüvvədədir və iş rejimində dəyişiklik edilməyib.
"Bakı Metropoliteninə qrafikdə dəyişiklik edilməsi barədə məlumat daxil olmayıb", - deyə məlumatda qeyd edilib.
Aləmdə Nəsib
Yasamal rayonunda yerləşən kinostudiyanın pirotexniki vasitələr saxlanılan anbarında partlayışda yaralanan olmayıb.
Oxu.Az xəbər verir ki, bu barədə Daxili İşlər Nazirliyinin Mətbuat Xidmətindən bildirilib.
"Paytaxtın Yasamal rayonunda yerləşən C.Cabbarlı adına Kinostudiyanın pirotexniki vasitələr saxlanılan anbarında partlayışla əlaqədar polis əməkdaşları əraziyə cəlb olunublar. Hazırda təhlükəsizlik tədbirləri görülür.
İlkin məlumata görə, vətəndaşlardan xəsarət alan yoxdur, ərazi tam nəzarətə götürülməklə xidmət təşkil olunub. Yanğının söndürülməsi istiqamətində tədbirlər görülür", - məlumatda qeyd olunub.
Bakıda metronun "20 Yanvar" stansiyası yaxınlığında partlayış baş verib.
"Baku TV" hadisə yerindən canlı bağlantı ilə son məlumatları təqdim edir.
Hazırda əraziyə hüquq-mühafizə orqanlarının əməkdaşları və Fövqəladə Hallar Nazirliyinin qüvvələri cəlb olunublar.
Hadisənin səbəbləri araşdırılır.
Bakının Yasamal rayonunda partlayışdan sonra baş verən yanğın məhdudlaşdırılıb.
Bu barədə Oxu.Az-a Fövqəladə Hallar Nazirliyindən bildiriblər.
Qeyd olunub ki, nazirliyin qüvvələri tərəfindən görülmüş zəruri və təxirəsalınmaz tədbirlər sayəsində Cəfər Cabbarlı adına "Azərbaycanfilm" kinostudiyasının ərazisində baş vermiş yanğın qısa müddətdə məhdudlaşdırılıb.
Hazırda yanğının tam söndürülməsi istiqamətində əməliyyat davam edir.
Əlavə məlumat veriləcək.
"İyunun 26-da saat 23:05-də Respublika Təcili və Təxirəsalınmaz Tibbi Yardım Mərkəzinə Bakının Yasamal rayonu ərazisində partlayış baş verməsi səbəbilə çağırış daxil olub".
Bu barədə Oxu.Az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) məlumat verilib.
Bildirilib ki, dərhal çağırış üzrə ilkin olaraq 5 təcili tibbi yardım briqadası əraziyə cəlb edilib.
"Hələlik hadisə ilə bağlı təcili tibbi yardım xidmətinə müraciət qeydə alınmayıb. Ətraflı məlumat veriləcək", - deyə məlumatda qeyd edilib.
Aləmdə Nəsib
Yasamal rayonunda, Cəfər Cabbarlı adına "Azərbaycanfilm" kinostudiyasının ərazisində yanğınla müşayiət olunan partlayış baş verib.
Bu barədə Oxu.Az-a Fövqəladə Hallar Nazirliyindən bildiriblər.
Qeyd olunub ki, nazirliyin "112" qaynar telefon xəttinə Bakı şəhəri, Cəfər Cabbarlı adına "Azərbaycanfilm" kinostudiyasının ərazisində yanğınla müşayiət olunan partlayışın baş verməsi barədə məlumat daxil olub.
Məlumatla əlaqədar dərhal əraziyə Fövqəladə Hallar Nazirliyinin qüvvələri cəlb olunub.
Əlavə məlumat veriləcək.
Müdafiə Sənayesi Nazirliyi "Alov" Zavodunda partayışın baş verməsinə dair yayılan xəbərlərə münasibət bildirib.
Nazirliyin Mətbuat Xidmətindən Oxu.Az-ın sorğusuna cavab olaraq bildirilib ki, yayılan xəbərlər həqiqətə uyğun deyil, "Alov" zavodunda hər hansı partlayış, yanğın baş verməyib.
Qeyd edək ki, bir neçə dəqiqə əvvəl Bakının Yasamal rayonunda güclü partlayış qeydə alınıb.
Bakıda güclü partlayış baş verib.
Oxu.Az xəbər verir ki, hadisə Kinostudiyanın köhnə pirotexnika sahəsində qeydə alınıb.
Bildirilib ki, hadisə yerinə fövqəladə xidmətlər cəlb olunub.
Əlavə məlumat veriləcək.
