Bakıda sürücü yol hərəkəti qaydalarını kobud şəkildə pozub.
Oxu.Az xəbər verir ki, bununla bağlı videogörüntü sosial şəbəkələrdə paylaşılıb.
Mətbuat prospektində işıqforun qırmızı işığının tələbinə məhəl qoymayan "Daewoo" markalı 77-LT-710 dövlət nömrə nişanlı avtomobilin sürücüsü digər hərəkət iştirakçıları üçün təhlükə yaradıb.
Məsələ ilə bağlı Bakı Şəhəri Dövlət Yol Polisi İdarəsinin (BŞDYPİ) bölmə rəisi Toğrul Nəsirli Oxu.Az-a açıqlamasında bildirib ki, sözügedən videogörüntü ilə bağlı araşdırma aparılıb.
"Daewoo" markalı nəqliyyat vasitəsinin sürücüsü aşkar edilərək barəsində qanunamüvafiq tədbir görülüb", - deyə T.Nəsirli bildirib.
Əzizə İsmayılova
