Bakının əsas prospektində sürət həddi endirilib: Qatı DUMAN var

Dumanlı hava şəraiti ilə əlaqədar Zığ dairəsi-Hava Limanı yolunda bəzi zolaqlar üzrə sürət həddi 20 km/saat endirilib.

Oxu.Az xəbər verir ki, bu barədə Daxili İşlər Nazirliyinin (DİN) Nəqliyyatı İntellektual İdarəetmə Mərkəzindən (NİİM) məlumat verilib.

Bildirilib ki, mərkəzin əməkdaşları tərəfindən məlumat-sürət tablolarında dəyişiklik edilib.

Eyni zamanda tablolarda "dumanlı yol" işarəsi qoyulub. Sürücülərdən müəyyən olunan sürət həddinə əməl etmələri xahiş edilir.

01:00

Yanvarın 13-ü axşam saatlarından etibarən Bakıda qatı duman müşahidə olunur.

Hazırda Bakının avtomobil yollarında görünüş məsafəsi xeyli azalıb.

Oxu.Az paytaxtda hökm sürən dumanlı havadan fotoları təqdim edir:

Qeyd edək ki, Milli Hidrometeorologiya Xidmətinin məlumatına görə, respublika ərazisində müşahidə olunan dumanlı hava şəraiti ilə əlaqədar Abşeron yarımadası da daxil olmaqla bir sıra bölgələrdə görünüş məsafəsi 50-500 metrədək məhdudlaşıb.