Bakıda təmiz suyun illərlə küçəyə axması iddiasına RƏSMİ CAVAB: "Kanalizasiya şəbəkəsi tutulub"

Bakı şəhəri, Nəsimi rayonu, Mərdanov qardaşları, 59 ünvanının sakinləri təmiz suyun ətrafa axmasından şikayətçidirlər.

Onlar Oxu.Az-a müraciət edərək bildiriblər ki, sözügedən ünvandakı problem illərdir davam edir:

"Təmiz su ətrafa axır, illərdir bu problem davam edir. Hər dəfə gəlirlər, təmir edirlər, lakin yenə də su axmaqda davam edir".

Məsələ ilə bağlı İri Şəhərlərin Birləşmiş Su Təchizatı Xidmətindən sorğumuza cavab olaraq bildirilib ki, problem aradan qaldırılıb:

"Nəsimi rayonu, Mərdanov qardaşları, 59 ünvanında kanalizasiya şəbəkəsinin tutulması səbəbindən qeyd olunan problem müşahidə olunub. Lakin bu gün səhər rayon Sukanal idarəsinin qəza briqadası xəttin fəaliyyətini bərpa edib. Hazırda ərazidə heç bir axıntı yoxdur".

Aygün Mirakif