Bakıda yeni asfalt qatı çəkilən yolda PROBLEMLƏR

Bakıda yeni asfalt qatı çəkilən yolda hərəkətin təşkilində həm sürücülər, həm də piyadalar problemlə üzləşiblər.

Xezerxeber.az xəbər verir ki, söhbət paytaxtın Yasamal rayonunun M.Müşfiq küçəsindən gedir. Sözügedən ərazidə asfalt-beton örtüyü yenilənəndən sonra məhəlləyə giriş-çıxış hissədə qırıq xətlər ləğv edilib. Bu da ərazidə yaşayan sakinlərin işini bir qədər çətinləşdirib. Daha doğrusu, yolunu uzadıb.

Yolda problem tək bu deyil. Asfalt örtüyü dəyişdikdən sonra yol cizgi xətləri və velosiped zolağı çəkilib. Amma piyada zolağından başqa. Piyadalar da yolun əks tərəfinə keçməkdə çətinliklə üzləşirlər. Baxmayaraq ki, nişan var, amma zolaq yoxdur.

Məsələ ilə bağlı Yerüstü Nəqliyyat Agentliyindən ''Xəzər Xəbər''ə bildirdilər ki, təmir yekunlaşan küçədə xətləmə işləri tam yekunlaşmayıb. Nişanların mövcud olduğu yerlərdə piyada zolaqları çəkiləcək. ''Hərəkət iştirakçıları ərazidə quraşdırılan nişanların tələblərinə riayət etməlidirlər'', - deyə agentlikdən bildirilib.

Ətraflı süjetdə:

Bakıda yeni asfalt qatı çəkilən yolda PROBLEMLƏR