"Bakıdan Qazaxa 500 km, avtobus qiyməti 12 manat, Bakıdan Şuşaya 370 km, avtobus qiyməti 26 manat, Şuşadan Bərdəyə 70 km, qiymət 15 manat".
Oxu.Az xəbər verir ki, belə bir paylaşım sosial şəbəkədə edilib.
Paylaşım edən istifadəçi məsafəyə görə qiymətlərin doğru təyin olunmamasından şikayət edib.
Məsələ ilə bağlı Azərbaycan Yerüstü Nəqliyyat Agentliyinə (AYNA) sorğu ünvanladıq.
Qurumdan Oxu.Az-ın sorğusuna cavab olaraq paylaşımdakı məlumatların doğru olmadığı bildirildi.
"Şəhərlərarası marşrutlarda sərnişindaşıma tarifi hər kilometrə görə 3.7 qəpik həddində müəyyən edilib.
Bakı-Qazax istiqaməti üzrə məsafə 477 km, biletin qiyməti isə 17.60 AZN-dir. Bakı-Şuşa-Bakı istiqaməti üzrə gediş və dönüş bileti birlikdə 25 manat 40 qəpik təşkil edir. Hazırda Bərdədən Şuşa istiqamətində isə reys mövcud deyil", - deyə açıqlamada bildirilir.
Əzizə İsmayılova
Rəylər